[Canzone Corse] Parolle, videò, surtite di dischi, ecc...

[u ghjudice]

" onclick="window.open(this.href);return false;



Hè di più chè cusì

U mio paese o ghjente care
Ùn hè quellu di l'affissi
Pè i muri di e gare
Di quand'hè tempu à turisti

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più che cusì
U mio paese sì

U spechjanu e so case
Longu e quattru stagioni
Marine valle è muntagne
Da fiurimi à nivaghjoni

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U cantanu omi è donne
Sempre in lotta pè u so pane
Per fà valè u dirittu
D'inventassilu un dumane

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U dicenu i pueti
Terra è ghjente inghjumelati
Nè à cumprà nè à vende
Locu di i nostri fiati

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

Hè dettu è ancu à dì
U mio paese sì...

[U Grillage]

Face 10 anni chi mi batte e segue anant'à a mio muntagna di i Chjami Aghjalesi.

[culombu]

http://www.youtube.com/watch?v=zz7sPZ7qNFA

Lotta si chjama vita

Una luce passeghja
In lu cap'abbughjatu
Ma qual'hè chì la feghja
À buleghja à u passatu.

Idee intrecciate
Da ligamì lu vulè
Trà di elle intravate
So le radiche in mè.

O beata rustaghja
Da pulì la furesta
Chjara cum'un aghja
Hè per mè una festa.

"Lotta si chjama vita
a to Nazione more !"
Mughja una voce arghita
In fond'à u me dulore.

Aghju trovu a certezza
Vicin'hè a lumera
Esiste debulezza
Di francala si spera.

Sperenza senza lotta
È fame senza pane
Ùn c'hè chì la rivolta
Per crea lu dumane.

Iè dumane nascerà
D'una vera sustenza
Un populu di campà
Hè venutu in cuscenza.

"Lotta si chjama vita
a to Nazione more"
Mughja una voce arghita
In fond'à u me dulore.

[libertà per i patriotti]

" onclick="window.open(this.href);return false;

Una canzona ricente di u gruppu Vitalba, ch'o trovu belluccia !

[libertà per i patriotti]

Una canzona ricente di u gruppu Vitalba, ch'o trovu belluccia !

Astru chè belluccia... Fora di l'aria "pop" chì piace à tutti, trovu u testu magnficu, veramente !
S'è t'ascolti què in vittura annant'à a balanina in fin'di ghjornu, quandu l'aria rossa casca annant'à e muntagne annivulate... ti dici "ma cosa seraghju andatu à futte in francia??".

A quale a dici, m'avianu destinatu à a troppu famosa "accademia di Créteil", francamente avaria preferitu ancu impiccammi nanzu chè d'andacci, è po fatta fine l'aghju inculati eiu

[Huit]

tutte e canzone di Diana di l'Alba mi piace , sopratuttu Quassù cumu ha dettu Puntu G

[culombu]

http://www.youtube.com/watch?v=qEZH2B3LHk0
Un mi piacini micca tropu, mà quissa canzona mi pidda à u corri comè pochi

[Mulinchese]

Ghjennaghju
(Canta u populu corsu)

Un ghjornu singhjuzzava a vigilia bughjura
I carrughji attuniti cuntavanu i sò morti...
Tandu entre u pastore cum'è batelli à i porti
Calmi è s'indinoghja è sdrughje a paura.

Preca à core scioltu è si sparghje l'amore
S'hè zitta ancu l'aria aspettendu a chjama
Di a voce porta pace chì tutta a ghjente brama
S'hè piatta ancu a zerga è parla u signore.

"Statu omniputente tù chì stai in l'imperu
Di forse accanite è di ferru è di focu
Lacami sti figlioli è lacami stu locu
Ùn mandà più saette contr'à u so addisperu.

Ùn parlemu di lege è guardenu li dritti
Si sò pisati tutti contr'à la to inghjustizia
Di mani è di voce ne cresce una divizia
Sguizzera torna u sangue sè tù ùn li lachi arritti..."

Ma queste ùn sò voce chì sente a preputenza
Hè debbule u Signore in pettu à u statu petra
I fiumi impauriti correnu à l'ombra tetra
Di a guerra chì rinova quell'antica viulenza.

[Sampieru2a]

mi pare avè intèsu una canzona chi diccia : "e per cio che noi purtemu, canteremu" (serebe u ripigliu) ma un la trovu piu indocu
Qualchissia averebe un' idea ?

Si no, per una serata di festa cé sempre http://www.youtube.com/watch?v=DU7gRQo5iys

[libertà per i patriotti]

mi pare avè intèsu una canzona chi diccia : "e per cio che noi purtemu, canteremu" (serebe u ripigliu) ma un la trovu piu indocu
Qualchissia averebe un' idea ?

Si no, per una serata di festa cé sempre http://www.youtube.com/watch?v=DU7gRQo5iys

Mi n'arricordu di quessa, assai cantata da i giovani, ma u titulu mi fughje...

Un'antra chi mi piace : u generale Cadornu ! Una bella macagna, ma piacevule

[l'isulanu]

una chi mi piace assai, a canzone di u pratu!

[u sporting forza]

Esse-Campesino

" onclick="window.open(this.href);return false;

[AT 07]

Una canzona ricente di u gruppu Vitalba, ch'o trovu belluccia !

[u sporting forza]

" onclick="window.open(this.href);return false;

<3

[scb a vie]

" onclick="window.open(this.href);return false;

chi hà i parolle ?