oooooo cum´elli sò boni sti parigini chi piglianu e piazze di i corsi !!! u pallò hè cum´è a vera vita in fin'di contu.

Fatta fine, fora di Gillet ( è ancu, ghjè ciò ch'è no chjamemu "montage financier" ), sta pulitica di fassi imprestà ghjucadori hè un fiascu d'un'antru mondu.

-Rodriguez, una closcia.
-Mokulu, ci vulia à rimpiazzà u nostru amicu Brandao, ma si duvia fà in furia in furia, eccu cum'ellu hè ghjuntu quì.
-Ongenda, u brodige. Sei mesi ch'ellu ùn futte nunda, avà basta. Avemu Ayité Kamano Palmieri è avà Danic. Ùn s'hè micca discitatu nè oghje nè a settimana scorsa contr'à Bordeaux, s'hè mancatu cumplettamente, bon viaghju.
-Tallo. L'attaccante chì hà marcatu u più, ma ùn hè micca un veru 9. Omu ritene dinù e so parolle dopu à Lorient, è a so voglia di tirà sempre i penaltì è i guffran.
-Areola... Leca hà mustratu di più cose contr'à Bordeaux chè ellu dapoi u mese d'aostu.

Ci hè dinù u povaru El Hadji Ba, ma ellu hè feritu. Emu vistu chì pudiamu fà cunfidenza à i nostri giovani ( Vincent è Keita ), ma u pudemu tene sin'à a fine di a stagione, ùn si sà mai cù e suspenzione è e ferite.

Per a stagione prossima, ci vulerà à ricurdassi ch'è no avemu giovani, forse micca strasurdinarii, ma chì anu a rabbia, è chì portanu sta maglia turchina cù prudezza è onore ! Ùn puderanu fà peghju chè quelli ch'è no ci strascinemu avà.

Chì sta stagione sia una lezzione da ritene per dumane...