E più belle puesie...

[Marcu Maria]

U mare è u fiume

O chjucu ! Disse u mare
Parlendu à un fiumicellu
Ind'è mo acque chjare
Minutu è miserellu
Ti lampi, ghjochi, sparisci
Eppoi m'inturbidisci.

Guarda à mè, cum'è sò grande,
Èppò cum'è sò prufondu,
Aghju acqua ancu à rivende,
È copre u mezu mondu,
Quandu in un scornu hè notte,
In l'altru u sole sorte.

Ti portu disse fiume
U cantu di u russignolu,
Poi dinò u prufume,
Di u fiore campagnolu,
lampu ind'a to sciuma bianca,
A dulcezza chì ti manca.

S'ellu si secca ogni fiume,
Puru d'issi pari mei,
Averia menu fume,
In trè mesi, cinque o sei
A cosa hè più chè sicura,
Cambiaria d'andatura !

Fiume, paesi, populi,
Ancu chjuchi è miserosi
In stu mondi sò utili.
Perchè anu certe cosi
Ch'ellu ùn hà più putente,
Piglia a nota, è teni à mente !


Di quale hè quessa ?

[libertà per i patriotti]

Digià intesa in canzona ma...

[Prunelli]

Digià intesa in canzona ma...

a filetta

[Oursin]

Natale Rocchicioli ?

[Marcu Maria]

A Filetta a canta, ma quale hè chì l'hà scritta?

[u ghjudice]

Ghjuvan Petru Ristori

[Mulinchese]

Châtaigne

[Marcu Maria]

Ghjuvan Petru Ristori

Bella sintenza o ghjudice

[Oursin]

Da lu biancu luminellu,
Simbulu di luce chjara,
À l'incendiu natu in celu,
Quandu s'accende la fiara
Castagniccia sì ribella.

Da li primi fochi accesi
In cima di le culline,
Da spiccà li corni appesi,
Quandu svoltanu e marine,
Castagniccia sì ribella.

Da le stantare di Boziu,
Guerrieri di tempi andati,
Mai n'ùn sò stati à l'oziu,
Quandu funu casticati,
Castagniccia sì ribella.

Da la chjama chì ribomba
Da li poghji à li pughjali,
Pè l'eroi senza tomba
Tazzati da li pugnali,
Castagniccia sì ribella.

Da lu vechju San Petrone
Chì veghja sopr'à l'arestu
Sunendu lu ratachjone
Cum'è quand'ellu hè furestu
Castagniccia sì ribella.

Da le teppe à li pentoni,
Da la terra à lu matticciu,
Da le fronde à li gamboni
À lu fruttu prumaticciu
Castagniccia sì ribella.

Feremu la nostra storia
Senza mai più catene,
Cantà vogliu la to gloria,
Pè u sempre è pè l'avvene
O ribella Castagniccia.

Petru Vachet-Natali

[Oursin]

O Corsu caru cumpagnu di tanta sorte mischina
veni à ascultà lu mio cantu se tuttu ne va in ruina
sta à sente la mio storia ancu se tu ne ai voglia

Oh quantu aghju incaminatu incurunendu li cresti
chjuchitava la mio frusta pè li munti è li furesti
cù lu sole è lu muntese ghjunghjiu in ogni paese

Pasava tutte ste ghjorge scurtatu da tanta ghjente
chi per vedemi affaca eranu tutt'impaziente
è mi facianu onore ô Corsu cun tantu amore

Qualchi volta à l'attrachjata nantu a qualchi muraglione
cù li vechji è li zitelli sciupavamu le canzone
felice era u nostru cantu chi ogni ghjorn' era santu

Quandu falava la note durmìu per ste campagne
si sentiva le tintene spaperse pè le muntagne
è sottu a lu mio pilone mi faccia un casarone

So t'aghju cantatu ô Corsu questi tempi d'una volta
n'aghju tamantu rimorsu chi la memoria si sciolta
ma ti pigliu a testimone per da fiatu à e mio canzone !

" onclick="window.open(this.href);return false;

[Sciupamu]

Certi avà anu vint'anni
Pè sta fine d'istatina
Citatini o paisani
Cù la so ghjente vicina

Facenu festa à l'ore
Quand'ell'escenu e stelle
Eppò facenu l'amore
À e più belle zitelle

Ci sò quelli, cù i soi
Chi passanu a serata
Di a famiglia sò l'eroi
A so gloria festighjata

"Felice Anniversariu"
A sentenu vuluntieri
È u babbu, è u caccaru
Di i figliolu sò fieri

Mà in casa à certi corsi
I lupi ci sò passati
Feriti da i i sò morsi
Sò parenti addisperati

S'anu chjappu quellu ghjornu
Di libertà l'anu privu
Hè schiattatu cum'un tonu
Di a so mamma u cridu

Per avè fattu a prumessa
D'esse fidu à a bandera
Per avè fattu scumessa
Di liberà la so terra

Chjosu per quelle prigione
Sò ligate li so mani
È cusì per a Nazione
Ci passa i so vint'anni

Niculaiu Battini, 20 anni, prighjuneru pulitichu.

[franz2b]

Châtaigne

:)

on rit on rit mais ùn si sa maï ^^