Dumanda linguistica

[libertà per i patriotti]

Salute amichindiani.

Un ci serà micca qualchì raportu trà u verbiu francese "se corser" è noi ?

A dicu perchè ghjust'appuntu in corsu "les affaires se corsent" a dimu "l'affari sò in francese".

Chì ne pensate ?

[taravesu]

per contu meiu, serà piuttostu l'origine di "l'affare sò in francese" chì m'intaressa. venerà di ciò chè, per i paesani, era solu a lingua di l'amministrazione ???

[taravesu]

aghju fieghjatu ind'u Littré : "corsé" vene di "corpus", parlendu di qualcosa chi "a du corps". sì dillusu o LPIP ???

di stessu modu, per esempiu, u "cane corso" di i taliani ùn averia nund'a vede cù a Corsica ma piuttostu cù a caccia à battuta, induve si lascia corre i ghjacari. benchè un amicu meiu dice u cuntrariu in a so tesa.

[libertà per i patriotti]

Grazie o taravè, mi dumandava perchè mi paria strana st'analugia.

È di sicuru ci vole à vultà, sempre.

[zarathoustra]

nant'à u corciu matin di stu ghjovi, per a partita di u GFCA, hè scritu "sedecesimu ghjurnata";

perché micca "sedecesima ghjurnata" vistu che ghjurnata hè una parulla feminile?

[libertà per i patriotti]

Un serà micca u primu sbaglione ch'elli facenu...

[Corsica]

nant'à u corciu matin di stu ghjovi, per a partita di u GFCA, hè scritu "sedecesimu ghjurnata";

perché micca "sedecesima ghjurnata" vistu che ghjurnata hè una parulla feminile?

Hè pussibile chi sia a lingua aiaccina chi s'hè sprimata. M'arricordu chi si dice, in pumonticu, "l'accaniti" e micca "l'accanitu" : si pò esse una specifichezza...

... o ancu un sbagliu.

[Sempri-vivu]

Hè un sbagliu.

[a muvra 1929]

Quelli ch'ùn sò micca capaci d'accurdà una frasa à u plurale in corsu deverianu vultà à amparà u corsu in sesta